Online ကရခိုင်တိလေ့ ဂု ရခိုင်ဖတ်စာ သင်ရိုးညွှန်းတမ်းကို အခြေခံပနာ ရခိုင်ပိုင် ရွီးသား သုံးစွဲ လားကဖို့ လိုပါရေ။ ယေဇူးနန့် သူငယ်တန်း၊ ပထမတန်းနန့် ဒုတိယတန်း သင်ရိုးဖတ်စာအုပ် တိကို PDF ဖိုင်အဖြစ် နောက်မကြာခင် Upload လုပ်ပီး လားပါဖို့။ Download ရယူပြီးကေ ကိုယ်တိုင် လိလာ လိကျင့် ပနာ နောက်လူတိကို လက်ဆင့်ကမ်း ဝေမျှ လားနိုင်ပါစီ။
ဂုဖော်ပြဖို့ အကြောင်းခြင်းအရာက ရခိုင်ဖတ်စာ သင်ရိုးစာအုပ်တိမာ ပါရေ ဆရာတိအတွက် အမှာစာ ကကောက်နုတ်ချက်နန့် အကြောင်းအရာတိကို ဖော်ပြ ထားစွာပါ။ သင်ကြားဖို့ ဆရာက အခရာ ဖြစ်လို့ အထူးတလည် မှာထားစွာ တွိရရေ။
ရခိုင်ဖတ်စာ သင်ရိုး သင်ကြားမှုရေ ၂၀၁၃ ခုနှစ်၊ လာဖို့ စာသင်နှစ်မာ အစပြု သင်ကြားဖို့ ဖြစ်တေ။ သင်ကြားစွာမာ ဆရာပါ တပည့်ပါ စိတ်ဝင်စားမှုနန့် သင်ကြားဖို့၊ ပြဋ္ဌာန်းပီးထားရေ စာအုပ်ကို လက်တွိ အသုံးပြု သင်ကြားရေ ဆရာတိနန့် ကျောင်းသား ကျောင်းသူရို့ လိုက်နာ သင်ကြားမရာ ရခိုင်စာ သင်ကြားမှု ရည်ရယ်ချက် အောင်မြင်ဖို့၊ ဆရာ ဆရာမတိ အနေနန့် “စာပီ ပျောက်ကေ ယဉ်ကျေးမှု ပျောက်ဖို့၊ ယဉ်ကျေးမှုပျောက်ကေ လူမျိုးပျောက်ဖို့၊ လူမျိုး မပျောက်လီရအောင် မိမိရို့စာပီကို အမြတ် တနိုး သင်ကြားပီးဖို့” အရေးတကြီး လိုအပ်ကြောင်း သူငယ်တန်း၊ ပထမတန်း၊ ဒုတိယတန်း ဖတ်စာမာ ပါရေ ဆရာတိအတွက် အမှာစာ တိုင်းမာ အထူးတလေ အလေးအနက်ထား မှာကြား ပါဟိရေ။
ရခိုင်စာသည် ဘာသာစကား ဖြစ်တေအတွက် ဘာသာစကားဆိုင်ရာ ကျွမ်းကျင်မှု ဖြစ်တေ နားထောင်တတ်မှု၊ စကားပြောဆိုတတ်မှု၊ စာဆို စာဖတ်တတ်မှု၊ စာရွီးသားတတ်မှု ရဟိအောင် သင်ကြားပီးဖို့ ဖြစ်ကြောင်း။
သူငယ်တန်းနန့် ပထမတန်းရေ ဗျည်း၊ သရ အက္ခရာရို့၏ အသံထွက် ရွီးဆွဲပုံတိနန့် ဗျည်းသရ ပေါင်းစက်မှု သင်ခန်းစာတိကို သင်ကြားပီးရေ အတန်းတိ ဖြစ်တေ လို့ပြောဆို ထားပါရေ။
သူငယ်တန်း
သူငယ်တန်း ဖတ်စာအုပ်ရေ ပထမဆုံး ကျောင်းသို့ ရောက်လာရေ အချေတိအတွက် ပြဋ္ဌာန်း သင်ကြား ပီးဖို့ပါ။
သင်ခန်းစာ၊ လိကျင့်ဖို့၊ ဖတ်စာ ဆိုပြီး (၃)ပိုင်း ပါဟိရေ။ ဗျည်းကဗျာတိ၊ ဗျည်း သရ အက္ခရာတိ၊ ဂဏန်းသင်္ချာနန့် နိတိ အသံပါ ရွီးပုံရွီးနည်းတိ၊ အရွေ့သာခြင်း ကဗျာတိ ပြည့်စုံအောင် ပါရေ။ အရွီး အဖတ် လေ့ကျင့်ဖို့ ပြည့်စုံအောင် ပြင်ဆင်ထား ပါရေ။
ရခိုင်လူမျိုးတိ ရခိုင်စာသင်ပုန်းကြီး သင်နည်းကို မျိုးရိုးစဉ်ဆက် လက်ဆင့်ကမ်း သင်ခကတ်ကြောင်း။ သူငယ်တန်း ရခိုင်ဖတ်စာအုပ်ကို ရခိုင်စာ သင်နည်း မပျောက်ပျက်အောင် ပြန်လည်ထိန်းသိမ်း ပီးရေ စာအုပ်လို့ မှတ်ယူ နိုင်ကြောင်း။ မြန်မာစာနန့် ရင်းနှီးနီပြီး ဖြစ်တေ ဆရာတိအဖို့ ရခိုင်ပြဋ္ဌာန်းစာအုပ်ပါ သင်ရိုးတိကို သင်ရေခါ အခက်အခဲ ဖြစ်နိုင်ကြောင်း။ ယေကေလေ့ ကိုယ်တိုင် တတ်အောင်၊ အချေတိလေ့ တတ်အောင် သင်ကြား ပီးစီချင်ကြောင်း။ ဆရာတိကို သင်ခန်းစာတိကို ကျီပြီး တတ်ပြီးခါမ အချေကို လိကျင့် သင်ပီးဖို့ လိုကြောင်း မှာထားရေ။ ဆိုနည်း၊ အသံထွက်တိ၊ သတ်ပုံ မှန်မှန် ရွီးတတ်အောင် သင်ကြားပီးဖို့ လိုကြောင်း ဆရာတိအတွက် အမှာစာမာ မှာကြား ထားပါရေ။
ပထမတန်း ရခိုင်ဖတ်စာအုပ်ရေ မူလတန်း အဆင့် ပြဋ္ဌာန်း သင်ကြားဖို့ ဖြစ်ကြောင်း။ ရခိုင်စာသည် ဘာသာစကား ဖြစ်တေအတွက် ဘာသာစကားဆိုင်ရာ ကျွမ်းကျင်မှု ဖြစ်တေ နားထောင်တတ်မှု၊ စကားပြောဆိုတတ်မှု၊ စာဆို စာဖတ်တတ်မှု၊ စာရွီးသားတတ်မှု ရဟိအောင် သင်ကြားပီးဖို့ ဖြစ်ကြောင်း။ သူငယ်တန်းနန့် ပထမတန်းသည် ဗျည်း၊ သရ အက္ခရာရို့၏ အသံထွက် ရွီးဆွဲပုံတိနန့် ဗျည်းသရ ပေါင်းစပ်မှု သင်ခန်းစာတိကို သင်ကြားပီးရေ အတန်းတိ ဖြစ်ကြောင်း။
ဘာသာစကား ကဏ္ဍဖြစ်တေ သီးခြား စကားလုံး (နာမ်၊ ကြိယာ) တိမာ ရခိုင်ဝေါဟာရ အများစုကို ဖော်ပြထားရေ။ အကူ စကားလုံးတိ (ဝိဘတ်၊ ပစ္စည်း၊ သမ္ဗာန္ဓ)တိမာ ရခိုင်ဒေသ အနှံ့အပြား သုံးစွဲနီရေ အကူ စကားလုံး အများစုကို ထည့်သွင်း ဖော်ပြထားရေ။ ယင်း စကားလုံးတိကို အချေတိ အကျွမ်းတဝင် ဖြစ်ဖို့ တတ်မြောက်အောင် သင်ကြား ပီးဖို့ လိုရေ အကြောင်း ပါဟိရေ။
ဒုတိယတန်း
ဒုတိယတန်း ရခိုင်ဖတ်စာအုပ်ရေ မူလတန်း အောက်အဆင့်မာ ပြဋ္ဌာန်း သင်ကြားဖို့ ဖြစ်ရေ။ ဒုတိယတန်း ရခိုင်ဖတ်စာအုပ်မာ ဗဟုသုတ ဖြစ်ဖို့ အကြောင်း၊ မျိုးချစ်စိတ်ဓာတ် ရှင်သန်ထက်ဖို့ အကြောင်းအရာတိ၊ လူမှုရေး၊ ရိုးရာယဉ်ကျေးမှု၊ စာရိတ္တမြင့်မားအောင် မွီးမြူရေး ဆိုင်ရာတိကို ထည့်သွားထားရေ။ ရခိုင်ပြည်နယ်၊ ရခိုင်လူမျိုး၊ ရခိုင်ယဉ်ကျေးမှုနန့် သက်ဆိုင်ရေ အကြောင်းအရာတိကို ဦးစားပီး ထည့်သွင်းထားစွာကို တွိရပါရေ။
ဘာသာစကားဆိုင်ရာ ကျွမ်းကျင်မှု ဖြစ်တေ နားထောင်တတ်မှုမာ အပိုင်းမာ ပုံပြင်ဝတ္ထုတိကို နားထောင်တတ်ဖို့၊ အရွေ့ကဗျာတိကို နားထောင်တတ်ဖို့။ ပြောဟော တတ်မှု အပိုင်းမာ ပုံပြင်ဝတ္ထုတိ ဖတ်စာပါ အကြောင်းအရာတိကို ပြန်ပြောတတ်အောင်။ ရွတ်ဆိုမှု အပိုင်းမာ အရွေ့ကဗျာတိကို အသံနီ အသံထား အဖြတ်တောက် မှန်မှန် ရွတ်ဆိုတတ်ဖို့၊ ဝေါဟာရ၊ ဝါကျ၊ စာပိုဒ်တိကို စနစ်တကျ အသံထွက်မှန် ဖတ်တတ်စီဖို့။ အရွီးအသား အပိုင်းမာ စာလုံးပေါင်း သတ်ပုံ မှန်ကန်အောင် ရွီးတတ်ဖို့၊ လက်ရွီးလက်သား လှပအောင် ရွီးအောင်၊ ဖတ်စာပါ အကြောင်းအရာတိ ပြန်ရွီးတတ်ဖို့ အတွက် ဖော်ပြ ပါဟိရေ။ တတ်ကျွမ်းမှုကို စီးစစ်ဖို့ လိကျင့်စရာ မိန်းခွန်းတိ ထည့်သွင်း ပါဟိပါရေ။
ရခိုင်စာ တိုးတက်စီချင်…
By Thuyarzay
